Бид хүмүүс 1

   Хүмүүс шинэ жилийн тухай, дэлхий сүйрлийн тухай бичиж байна. Бодож байна. Ярилцаж байна.
   Хүмүүс хичээлийн тухай, ажлын тухай, бүсгүйн тухай, залуугийн тухай, болзооны тухай бичиж байна. Бодож байна. Ярилцаж байна.
   Хүмүүс амьдралын тухай, үхлийн тухай, өөрийнхөө тухай, хүмүүсийн тухай, хайрын тухай, үзэн ядалтын тухай бичиж байна. Бодож байна. Ярилцаж байна.
    Хүмүүс өнгөрсөнд болоод өнгөрчихсөн үйл явдлуудын тухай, ирээдүйд төлөвлөсөн бүхний тухай, бас одоогийн тухай бичиж байна. Бодож байна. Ярилцаж байна.
   Хүмүүс хамт байх тухай, хол байх тухай, салах тухай, санах тухай, харамсах тухай, хардах тухай, хүлээх тухай, итгэх тухай бичиж байна. Бодож байна. Ярилцаж байна.
   Хүмүүс мөрөөдлийн тухай, хичээл зүтгэлийн тухай, итгэлийн тухай бичиж байна. Бодож байна. Ярилцаж байна.
   Хүмүүс дурлалын тухай, ганцаардлын тухай, цөхрөлийн тухай, гунигийн тухай бичиж байна. Бодож байна. Ярилцаж байна.
   Хүмүүс хууран мэхлэлтийн тухай, эрх мэдлийн тухай, эд хөрөнгийн тухай бичиж байна. Бодож байна. Ярилцаж байна.
   Хүмүүс хөөрхөн царайны тухай, сайхан биений тухай, брендийн тухай, шуналын тухай, атаархлын тухай бичиж байна. Бодож байна. Ярилцаж байна.
   Хүмүүс амжилтын тухай, бахархлын тухай, хүндлэлийн тухай бичиж байна. Бодож байна. Ярилцаж байна.
   Хүмүүс үнэний тухай, үй олон худлын тухай, тэгээд бусдын тухай, бас өөрийнхөө тухай бичиж байна. Бодож байна. Ярилцаж байна.
   Хүмүүс гэгээрлийн тухай, дайсагналын тухай, нөхөрлөлийн тухай бичиж байна. Бодож байна. Ярилцаж байна.
   Хүмүүс нулимсны тухай, ичингүйрлийн тухай, догдлолын тухай, найдварын тухай, бардамналын тухай, залхалтын тухай бичиж байна. Бодож байна. Ярилцаж байна.
   Хүмүүс цасны тухай, борооны тухай, навчсын тухай, өвлийн тухай, зуны тухай, намрын тухай, хаврын тухай бичиж байна. Бодож байна. Ярилцаж байна.
   Хүмүүс мөн чанарын тухай, хийсвэрийн тухай, хоосны тухай, сонгодогийн тухай, хошиг шогийн тухай, утгагүй бүхний тухай бичиж байна. Бодож байна. Ярилцаж байна.
   Хүмүүс сайхны тухай, атаархлын тухай, хэлбэрийн тухай, агуулгын тухай бичиж байна. Бодож байна. Ярилцаж байна.
   Хүмүүс шударга ёсны тухай, эрх чөлөөний тухай, бас хязгаарлалтын тухай бичиж байна. Бодож байна. Ярилцаж байна.
   Хүмүүс даян дэлхийн тухай, эдийн засгийн тухай, улс төрийн тухай, даяаршлын тухай, өөрчлөлтийн тухай, эцэст нь хүнийслийн тухай бичиж байна. Бодож байна. Ярилцаж байна.
   Хүмүүс мэддэг бүхнээ бичиж байна. Бодож байна. Ярилцаж байна.
Бас хүмүүс мэдэхгүйгээ ч бичиж байна. Бодож байна. Ярилцаж байна.
   Хүмүүс үй олон уйтгарт үйл явдлуудын талаар бичиж байна. Бодож байна. Ярилцаж байна.
   Хүмүүс үхсний дараа юу ч биш зүйлүүдийн талаар гайхмаар их зүйлийг бичиж байна. Бодож байна. Ярилцаж байна.
Жаргалтай "тэнэг" өдрүүд.

    Амьдрал гэж ердөө л бодлын тухай бодлууд, бодлын тухай ярианууд, бодлын тухай өгүүлэмжүүд. Түүнд шинэ содон юм ердөө ч алга. Хэн тэгээд шинэ юм? Юу тэгээд содон юм?
Яагаад аймшигт энэ уйтгартай өдрүүдийг амьдрал гэж нэрлэнэ вэ?
Яагаад энэ мэт утгагүй бүхнийг аз жаргал хэмээн мэдрэнэ вэ?

Өдөр бүхэн нисдэг хэрээдийг хараад залхахгүй байна гэж үү?
Амьдралыг тэгээд ойлгосон хүн байгаа юм уу?